loader


[?] de Villeray-Riant 2

Type : personne

Identifiant BVH : bvhbibfr_02376

Référentiels

bvhbibfr_02376

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 505]
Monsieur de VILLERAY-RIANT gentilhomme Parisien, maistre des
Requestes de l'hostel du Roy, fils de monsieur de Villeray-riant, Presi-
dent en sa Cour, &c.

Je pense beaucoup honorer ce mien livre d'hommes illustres, quand
je trouve moyen d'y employer le nom de ce seigneur de Villeray, car
il s'en rencontre bien peu qui meritent tant comme il fait, & qui ayent
tant de dons de grace & perfections, comme j'en ay cogneu en luy, soit
touchant la Jurisprudence, ou pour les lettres Grecques, & pour plu-
sieurs autres sciences, lesquelles reluisent tellement en luy, que Paris se
peut vanter en ayant beaucoup de semblables, de ne ceder en rien, mais
surpasser de beaucoup toutes les autres villes du monde. Il n'a encores
fait imprimer ses harangues ou oraisons prononcees devant ses Maje-
stez, & entre autres celles qu'il a faites estant au service de Monseigneur
frere du Roy, non plus que plusieurs beaux & doctes recueils d'affaires
d'estat necessaires à tous ceux qui sont employez és affaires de conse-
quence. J'ay pareillement veu quelques Sonnets composez par luy, avec
beaucoup de grace, & bien heureusement achevez, mais tout cecy n'est
encores en lumiere. Il florist à Paris cette annee 1584.

Je me reserve à escrire plus amplement de luy & de monsieur son
pere és vies des hommes d'estat de Judicature. J'ay fait mention cy de-
vant d'un autre seigneur de Villeroy qui est messire Nicolas de Neuf-
ville
premier Secretaire d'Estat.

1 notice secondaire (nom cité) [ développer ]