loader


René Guillon (1500-1570)

Type : personne

Identifiant BVH : bvhbibfr_02370

bvhbibfr_02370

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 503]
B. L. RENÉ GUILLON Vandomois, dit Guillonius, natif de la paroisse de S.
Osmane pres S. Calais au bas Vandomois Manceau, (qui est aussi le pays
de Pierre de Ronsard.)

Je ne peux passer soubs silence, ce seigneur Guillonius: car il a illustré
la langue Françoise de plusieurs belles observations, tant en ses com-
mentaires & annotations sur la Grammaire Grecque de Nicolas Cle-
nard
, que en autres livres qu'il a mis en lumiere; & encores ses leçons or-
dinaires, esquelles il annotoit tousjours à ses disciples & auditeurs,
quelques remarques, soit de Proverbes, d'Etimologies & conformitez
de nostre langue avec la Grecque.

Il a donc merité d'avoir rang, entre ceux qui s'estudient de profiter au
publiq par leurs escrits, & par leurs lectures ordinaires, desquelles cho-
ses il a fait profession jusques au dernier jour de sa vie. Et pour dire en-
cores un mot dudit Guillon, il avoit autresfois esté serviteur de ce Phe-
nix de l'Europe & ornement de la France, Guillaume Budé, soubs le-
quel il avoit apris la langue Grecque, de telle sorte que ses oeuvres mis
en lumiere en porteront tesmoignage à jamais.

Il mourut à Paris le Vendredy 8. jour de Decembre l'an 1570. âgé de
soixante & dix ans, & fut mis en sepulture en l'Eglise de S. Estienne
du Mont, ou bien au Cemetiere d'icelle.

Aucune notice secondaire (nom cité)