Julien Courvaisier

Référentiels



Résultats

La Croix du Maine


JULIEN COURVAISIER



[La Croix du Maine, page 495]
B. L. JULIEN COURVAISIER, sieur du Plessis, natif de la ville du Mans, Advocat
du Roy au siege presidial & Seneschaussee du Maine, jeune homme for
docte en Grec & Latin, & treseloquent en nostre langue Françoise, en
laquelle il a escrit & composé plusieurs doctes harangues qu'il a prononcees
devant Messieurs dudit siege presidial, lors qu'il estoit Advocat du Roy,
de laquelle charge il s'est demis pour avoir plus grande commodité de va-
quer à ses estudes, lesquelles il profere à toutes autres choses, & princi-
palement aux honneurs mondains & charges publiques, lesquelles aque-
rent for peu d'amis & causent beaucoup d'inimitiez si lon veut exercer
sa charge selon Dieu, & ne respecter les hommes que suyvant leur bon
droict & juste occasion de proceder: Qui sont choses trop rares en ce sie-
cle, & qui detournent les plus advisez à prendre autre party, ou bien s'ils
en ont, de s'en defaire pour avoir esgard à choses qui leur pourront ap-
porter plus de profit en leur ame & plus de resjouissance en cette vie
mortelle.

Il n'a encores fait imprimer aucunes de ses oeuvres Françoises non
plus que de ses Latines. Il florist au pays du Maine cette annee 1584.