Simon Hayneufve (1450?-1546)



Résultats

La Croix du Maine


SIMON HAIE-NEUFVE



[La Croix du Maine, page 457]
SIMON HAIE-NEUFVE natif de la ville de Chasteau-gontier
en Anjou à huict lieuës d'Angers, auquel lieu il nasquit en l'an de
salut 1450.

Il estoit curé de Sainct Pater, & en fin se fist prestre, & faisoit
sa demeure ordinaire en l'Abbaye de S. Vincent és faux-bourgs du
Mans, auquel lieu il vesquit par longues annees, qui fut cause
que plusieurs l'ont appellé en leurs oeuvres, Maistre Symon du
Mans
, pensant que ce fust le lieu de sa nativité, & entre-autres
Geufroy Thorry de Bourges l'appelle ainsi en son livre intitulé
le Champ-Fleury, auquel endroit il luy donne tant de loüanges
pour le grand sçavoir qui estoit en luy, & sur tout en la protraicture
& architecture, & encores pour l'escritute: qu'il ne craint point
[page 458]
de le comparer à Albert Durer, Michel Ange, & autres des plus excel-
lents peintres & architectes de nostre siecle.

Il se voit de luy plusieurs beaux edifices bastis de son industrie, tant
en la ville du Mans, qu'en d'autres lieux.

Il n'a point fait imprimer ses oeuvres, mais j'ay veu un nombre in-
finy de ses protraits faits de sa main, au cabinet des Haieneufves,
orfeures, demeurants à Angers ses nepveux, lesquels sont extre-
mement bien faits, & si bien peints qu'il n'y defaut rien pour la perfe-
ction.

Il mourut en la susditte Abbaye de S. Vincent pres le Mans l'an 1546.
l'unziesme jour de Juillet âgé de quatre-vingt & seize ans, & est enter-
ré en laditte Abbaye.

Il voyagea en Italie & autres lieux, & en fin il se retira audit mona-
stere en l'an de salut 1500. âgé de cinquante ans, en laquelle il demeura
par l'espace de 46. annees.