loader


Pierre du Val (15..-1564 ; évêque de Sées)

Type : personne

Identifiant BVH : bvhbibfr_02204

bvhbibfr_02204

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 418]
B. L. PIERRE DU VAL Parisien, docteur és droicts, Evesque de Sees en
Normandie, homme docte és langues, & versé en plusieurs arts, scien-
ces & disciplines, & sur tout grand Theologien.

Il a escrit en vers François, un for docte & tres-excellent traicté de la
grandeur de Dieu, & de la cognoissance que lon peult avoir de luy par
ses oeuvres, & encores un traicté de la puissance, sapience & bonté de
Dieu. Le tout a esté imprimé à Paris chez Federic Morel l'an 1568.

Le susdit livre de la puissance, sapience & bonté de Dieu, avoit esté
imprimé auparavant par Michel de Vascosan l'an 1558. sans que ledit
sieur y eust mis son nom autrement que par lettres capitales ou maiu-
scules (pour parler selon les Imprimeurs) lesquelles sont telles, P. M. D.
V. E. D. S.
qui est à dire, Par Monsieur du Val Evesque de Sees.

Je ne sçay si ledit Evesque avoit mis son nom en cette façon, de peur
que lon ne pensast que ce fust un je ne sçay quel autre Pierre du Val Poëte
François, lequel avoit fait imprimer il y a 40. ans & plus, un sien livre,
qu'il intitule le Puy du souverain amour, tenu par la Deesse Pallas &c.
Et avoit mis son nom audit livre comme s'ensuit, composé par celuy qui
porte en son nom tourné, Le vray perdu ou vray prelude, qui est l'ana-
gramme dudit Pierre du Val.

J'ay dit cecy expressément, pour le respect & amitié que je porte à ce
seigneur du Val Evesque de Sees, lequel je n'ay jamais veu ne cogneu,
que par ses oeuvres rempliz de sçavoir & doctrine: car je suis en doubte
si la posterité penseroit que ce ne fust qu'un mesme autheur, que cettui-
cy & l'autheur du livre susdit: par ce que les temps esquels il vivoyent ne
sont pas beaucoup eslongnez, & que l'un & l'autre estoient Poëtes
(mais for differens pour leur sçavoir & composition) car ledit Vray
perdu
ou vray prelude, fist imprimer son livre l'an 1543. mais que cecy
soit dit pour le soustien de l'un & le blasme de l'autre, qui estoit aussi
heureux en son anagramme, qu'un certain Iean Doingé, duquel il est
parlé au livre des nouvelles recreations, mises soubs le nom de Bonad-
venture des Periers
.

Pour revenir (apres cette longue digression) à parler dudit Evesque,
il a traduit de Grec en François (& ce par le commandement du Roy)
un dialogue de Platon, intitulé Criton ou de ce que lon doibt faire, im-
primé à Paris l'an 1547. chez Michel Vascosan.

Jean le Masle Angevin, a commenté le dialogue susdit, & l'a fait im-
primer à Paris chez Jean Poupy l'an 1582.

Le susdit Pierre du Val mourut l'an 1564.

2 notices secondaires (nom cité) [ développer ]