loader


Pierre Belon (1518-1564)

Type : personne

Identifiant BVH : bvhbibfr_00922

bvhbibfr_00922

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 384]
B. L. PIERRE BELON du Mans docteur en Medecine en l'Université de Pa-
ris, aucuns disent qu'il est natif de la paroisse d'Oysay au Maine, & les
autres de Foulletourte, mais tant y a qu'il est Manceau, &c.

Il estoit pensionnaire du Roy Henry 2. & avoit deux cent escus de
gages. Il a beaucoup & long temps voyagé és pays estranges, & a escrit
plusieurs beaux livres de ses voyages & peregrinations, entre lesquels
sont ceux-cy.

Les Observations de plusieurs singularitez, & choses memorables
trouvees en Grece, Asie, Judee, AEgypte, Arabie & autres pays estranges,
redigees en trois livres, imprimees à Paris chez Gilles Corrozet, &
Guillaume Cavelat l'an 1555. avec les figures d'hommes, d'oiseaux, ani-
maux & autres semblables choses dignes de memoire.

L'histoire des Poissons, traictant de leur nature & proprieté, avec les
protraicts d'iceux, imprimee à Paris chez Robert Estienne en Latin &
en François.

De la nature des Oyseaux de toutes sortes, avec leurs protraicts, im-
primee à Paris chez Cavelat.

[page 385]
Les remonstrances sur le deffault du labour & culture des plantres,
& de la cognoissance d'icelles, contenant la maniere d'affranchir & ap-
privoiser les arbres sauvages, &c. imprimé à Paris chez Gilles Corrozet
l'an 1558. in 8. contenant 12 fueilles.

Il a traduit en François les oeuvres de Dioscoride, traictant des sim-
ples, & les a commentees: elles ne sont encores imprimees, il en fait
mention en son epistre mise au devant de ses Observations, dediees à
Monsieur le Cardinal de Tournon son Mecene.

Il avoit projecté plusieurs autres beaux desseings, mais la mort vio-
lente de laquelle il finit sa vie, l'empescha de les executer & mettre fin,
ensemble plusieurs beaux livres, d'aucuns desquels s'ensuit le tiltre.

L'Histoire des Serpents, non encores imprimee, de laquelle il fait
mention en son livre de l'Agriculture fol. 24. pag. 6.

Il a traduit le livre des Plantes de Theophraste autheur Grec, non
encores imprimé.

L'Histoire des estranges poissons marins, avec la vraye peinture &
description du Dauphin, & de plusieurs autres de son espece, le tout
divisé en deux livres imprimez à Paris par Regnaut Chaudiere l'an 1551.
in 4. avec les protraicts & figures desdits poissons.

Il a escrit plusieurs autres memoires non encores imprimez, des-
quels nous avons quelques fragments escrits de sa main. Il a escrit plu-
sieurs livres en Latin dont nous ne faisons pas icy mention. Il fut tué
(non loing de la villé de Paris) par un sien ennemy l'an 1564.

Aucune notice secondaire (nom cité)