loader


Jean Passerat (1534-1602)

Type : personne

Identifiant BVH : bvhbibfr_00652

bvhbibfr_00652

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 256]
B. L. JEAN PASSERAT, natif de Troye en Champagne, lecteur du Roy
en l'Université de Paris, homme tres-docte en Grec & en Latin, & des
plus excellens Poëtes Latins & François de nostre temps, & lequel se
rend admirable par les doctes leçons qu'il fait à l'explication des Poë-
tes Grecs & Latins, outre la cognoissance qu'il a en la Jurisprudence &
autres arts.

Il a composé plusieurs tragedies & comedies, tant en Latin qu'en
François, lesquelles ne sont encores imprimees.

Il a escrit les louanges & l'histoire des Troyens ou Champenois,
desquelles choses il fait mention en son chant d'allegresse, pour l'entree
du Roy Charles neufiesme en sa ville de Troye en Champagne. Ladite
histoire des Troyens n'est encores en lumiere.

Il a escrit une hymne de la paix, imprimee chez Buon l'an 1563.

Complainte sur la mort d'Adrian Turnebe, imprimee à Paris chez
Federic Morel l'an 1565. Je feray mention de ses escrits Latins autre-part
& plus à propos. Il a composé plusieurs autres Poëmes François, lesquels
ne sont encores en lumiere, & desquels je ne sçay pas les tiltres, pour ne
les avoir veuz. Il florist à Paris cette annee 1584. & fait leçons ordinai-
res en sa profession de lecteur du Roy.

Aucune notice secondaire (nom cité)