loader


Jean Gerson (1363-1429)

Type : personne

Identifiant BVH : bvhbibfr_00615

bvhbibfr_00615

Résultats

La Croix du Maine

1 notice principale (nom en vedette) [ réduire ]

noms de personnesbibliographietexte brut
originalrégularisé

[La Croix du Maine, page 228]
B. L. JEAN GERSON DIT CHARLIER, qui est son vray surnom, &
quant à ce qu'il atousiours retenu ce nom de Gerson, c'est qu'il estoit
natif dudit lieu de Gerson au pays de Champagne, soubs l'Archeues-
ché de Rheims. Il nasquit l'an 1362. le 14. jour de Decembre. Il fut
docteur en Theologie à Paris, des plus renommez de son temps, & en
fin Chancelier de l'Université.

Il a escrit plusieurs Sermons en nostre langue Françoise, lesquels
ont esté depuis traduits en Latin.

Il a composé l'instruction des Curez, imprimee à Paris par André
Roffet
l'an 1557.

Harangue faite par ledit Gerson, & prononcee par luy-mesmes au
nom de l'Université de Paris, devant le Roy Charles 6. & son conseil,
imprimee à Paris par Gilles Corrozet l'an 1561. & auparavant imprimee
par Durand Gerlier &c.

Il a escrit un for grand nombre de livres en Latin, desquels je feray
mention autre-part.

Il mourut à Lyon sur le Rhosne l'an 1429. en l'an de son âge 66. se-
lon qu'a escrit Tritemius, & selon Jean Bouchet aux Annales d'Aqui-
taine il mourut l'an 1432.

Il est enterré en l'Eglise des Celestins à Lyon, & est reputé de plu-
sieurs, homme de saincte vie, encores qu'il n'aye pas esté canonizé.

Il estoit disciple de Pierre d'Ailly dit de Aliaco, Cardinal & Evesque
de Cambray. Il fut en personne au concile de Constance en Almagne,
pour essayer d'extirper les heresies qui avoyent cours en ce temps-là.

3 notices secondaires (nom cité) [ développer ]