Jean Du Tillet (1) (évêque, 15..-1570)



Résultats

La Croix du Maine


JEAN DU -TILLET



[La Croix du Maine, page 268]
B. L. Messire JEAN DU -TILLET gentilhomme Parisien, issu de la tresnoble
& tres- ancienne famille Du-Tillet, tant renommee à Paris & autres lieux,
&c. Evesque de Meaux, frere de Monsieur le Greffier Du-Tillet (duquel
nous ferons mention apres cettuy-cy.)

Ils estoient tous deux hommes doctes & des plus diligens recher-
cheurs d'histoires, que pas un autre de nostre siecle, & sur tout de
celles qui appartenoient à nostre France. J 'ay entendu que cettuy-cy
avoit la mieux fournie Bibliotheque, & plus remplie de toutes sortes
de bons autheurs, qu'autre Prelat qui fust de son temps.

Il a escrit premierement en Latin, & depuis traduit en François la
Chronique des Roys de France, depuis Pharamond, jusques au regne
du Roy Henry 2. du nom, suyvant la computation des ans, jusques en
l'an 1553 cet abregé a esté imprimé à Paris par René Auril, pour Galiot
du Pré
audit an 1553. & le Latin a esté imprimé chez Michel Vascosan,
l'an 1551.

Je peux asseurer de n' avoir point veu de Chronologie si succincte,
& mieux ordonnee que cette-cy, pour les affaires de France , tant il y a de
belles recherches, & de diligentes observations de toutes choses me-
morables, contenues en cet oeuvre . Il n'a mis son non en ce livre que par
ces deux lettres J . T. qui est à dire Joannes Tilius, ou Du-Tillet.

Il mourut à Paris au mois de Novembre , l'an 1570.