HENRY B. D'ANGOULESME

Fiche personne

[La Croix du Maine, page 486]
B. L. Messire HENRY B. D'ANGOULESME fils naturel de Henry 2. du
nom, Roy de France, &c. chevalier de l'Ordre de S. Iean de Hierusalem,
grand Prieur de France, capitaine de cent lances des Ordonnances,
lieutenant general aux armees de Levant & Ponant, capitaine des ga-
leres pour sa Majesté, &c.

Ce Prince a eu pour precepteurs, Monsieur de Morel, gentilhomme
Dauphinois, & encores monsieur d'Aurat, tous deux tant renommez
pour leur grande erudition, qu'il n'est icy besoing d'escrire de leurs loüan-
ges plus avant.
[page 487]
Or pour venir à ce seigneur susdit, j'ay entendu d'hommes dignes de
foy (car je n'ay jamais eu ce bien de le voir ou cognoistre) qu'il est telle-
ment sçavant, & instruict en toutes sortes de bonnes disciplines, & prin-
cipalement és langues Grecque & Latine (sans faire mention de la Fran-
çoise qui luy est familiere pour estre né en France) que l'on ne peut met-
tre en avant aucun de sa qualité qui le passe en sçavoir & doctrine. Nous
n'avons encores rien veu de luy mis en lumiere, touchant ses doctes
compositions, mais lon ne peut autrement faire (sans se tromper) que
de croire qu'il en pourra composer quand il luy plaira s'adonner à es-
crire, d'autant doctes & plaines d'erudition, que font ceux qui font pro-
fession entiere de l'estude.

Il florist cette annee 1584.