loader


AUGIER DE BUSBECK

Type : notice

Source : La Croix du Maine

Identifiant BVH : lcdm-not_2096

lcdm-not_2096
noms de personnesbibliographietexte brut
originalrégularisé

[La Croix du Maine, page 475]
B. L. AUGIER DE BUSBECK, gentilhomme natif de la ville de Bruges en
Flandres, issu de l'ancienne & illustre maison de Guislain ou Gislein au-
dit pays, homme tresdocte & bien vertueux seigneur.

Il a esté employé en divers ambassades par l'Empereur Ferdinand,
vers le grand Seigneur ou Empereur des Turcs, par l'espace de sept ans:
& encores du jourdhuy il est au service de madame Elizabeth d'Austri-
che veufve du Roy de France Charles 9. & est son ambassadeur vers son
frere Henry 3. treschrestien Roy de France.

Plusieurs hommes de marque font treshonorable mention de luy
en leurs oeuvres, & entre autres Pierre André Matheole en ses commen-
taires sur Dioscoride, auquel lieu il recite en sa preface, qu'il a esté se-
couru dudit sieur de Busbeck, de plusieurs livres escrits à la main, qu'il
avoit rapportez de son voyage de Constantinople, duquel pays il a
escrit une bien docte description, & des choses les plus dignes de me-
moire qu'il a observees, durant le temps de sa legation. Ce livre a esté im-
primé chez Plantin, mais pour ce qu'il est escrit en langue Latine, nous
en ferons mention autre-part, & ce qui m'a fait comprendre ledit sieur
Ambassadeur en ce livre, c'est pource qu'il a prononcé plusieurs tres-
doctes harangues Françoises, devant les majestez des Roys de France

[page 476]

lesquelles ne sont encores imprimees.

Il florist à Paris cette annee 1584. âgé de 50. ans ou environ.