SIMON GOULARD



[La Croix du Maine, page 456]
B. L. SIMON GOULARD natif de Senlis, homme tresdocte & extremement
laborieux, comme il l'a bien monstré par ses escrits mis en lumiere, de-
puis peu de temps en ça. Voicy ce que j'ay veu de ses compositions.

Commentaires ou Annotations sur la Sepmaine de Guillaume de
Salluste, sieur du Bartas, imprimez à Paris chez Abel l'Angelier, Iean
Febvrier, Gadouleau & autres par plus de 7. ou huit diverses fois tant
ils ont esté trouvez pleins d'erudition & doctrine.

Il a enrichy les vies & opuscules de Plutarque autheur le plus renom-
mé d'entre les Grecs, lesquelles ont esté imprimees en divers lieux de-
puis un ou deux ans en çà.
[page 457]
Il a traduit dix livres de Theodoret Evesque de Cyr, touchant la
providencc de Dieu, contre les Epicuriens.

Deux livres du mesme autheur Theodoret, traduits par ledit Gon-
lart, l'un de la providence divine, & l'autre du but de la vie humaine, &
du dernier jugement, le tout imprimé à Lausane l'an 1578. in 8. & con-
tiennent 19. fueilles.

Il a traduit de Latin en François la republique des Suisses, escrite par
Josias Simlerus Suisse de nation, imprimee. Aucuns pensent que François
Gentillet Dauphinois en aye fait la traduction, (comme nous avons
dit cy dessus) mais les uns & les autres n'y ont mis leur nom, qui est cau-
se de m'avoir fait tenir cecy en suspens.

Il a traduit l'histoire de Portugal escrite par Osorius.

Il a traduit les livres de Jean Vvier Medecin du Duc de Cleves, tou-
chant l'imposture & tromperie des Diables, lesquels avoient esté tra-
duits au paravant par Jaques Grevin Medecin (comme nous avons dit
cy devant.)

Il a escrit un traicté de son invention touchant les sorceleries & en-
chantemens. Je ne sçay s'il est imprimé.

Plusieurs Sonnets Chrestiens.

Plusieurs Cantiques adaptez à la Musique d'Orlande tresexcellent
musicien, imprimez, &c.

Il a escrit une briefve & Chrestienne remonstrance aux François,
imprimee avec le premier volume des Memoires de l'Estat de Fran-
ce, &c.

Il a davantage traduit de Latin en François la Chronique & histoire
universelle de Jean Carion augmentee par Melancton, Peucer & au-
tres, imprimee par Jean Berion l'an 1579. & 1580. en deux volumes, con-
tenant sept livres.

Je n'ay pas cognoissance de ses autres escrits.

Il florist cette annee 1584.