loader


SIMON BOVQUET

Type : notice

Source : La Croix du Maine

Identifiant BVH : lcdm-not_2017

lcdm-not_2017
noms de personnesbibliographietexte brut
originalrégularisé

[La Croix du Maine, page 454]
SIMON BOVQUET Parisien, sieur de Planoy en Brie, autresfois Secre-
taire de la Roine de Navarre, & depuis Eschevin du conseil de la ville
de Paris, &c. Quiconque a cognoissance de ce Seigneur de Planoy, ne
pourra nier qu'il ne soit grandement orné d'un bon jugement naturel,
& d'un esprit clair-voyant, sans faire mention de ses autres vertuz qui
l'accompagnent, dequoy j'en remets le jugement à ceux qui le cognois-
sent comme moy. Mais pour laisser ces choses là à juger à ceux qui vou-
droient s'y arrester davantage, je viendray à parler de ce que j'ay veu de
ses inventions & compositions mises en lumiere, sçavoir est l'entree du
Roy de France Charles 9. & de la Royne son espouse faite à Paris au
mois de Mars l'an 1571. imprimee à Paris l'an 1572. in 4. & contient 20.
fueilles chez Denis du Pré pour Olivier Codoré tailleur & graveur de


[page 455]
pierres precieuses, avec les protraits & figures de toutes les choses les
plus excellentes qui furent faites à laditte entree du Roy Charles 9. &
de Madame Elisabeth d'Austriche sa femme. Ce quil y a de son inven-
tion est marqué de la lettre B. qui signifie Bouquet, dequoy j'advertis
les lecteurs, pour ne frauder ou desrober rien de l'honneur des autres
qui mirent la main à cette magnifique & honorable entree.

Il a davantage escrit plusieurs poësies Françoises, & entre autres, il a
traduit en vers François le Dialogue de Lucien intitulé Misanthrope non
encores imprimé.

Il florist à Paris cette annee 1584.