loader


SEBASTIEN CHASTILLON OU CHASTEILLON

Type : notice

Source : La Croix du Maine

Identifiant BVH : lcdm-not_2013

lcdm-not_2013
noms de personnesbibliographietexte brut
originalrégularisé

[La Croix du Maine, page 453]
B. L. SEBASTIEN CHASTILLON OU CHASTEILLON, dit Castalio, na-
tif du pays de Savoye, homme docte és langues Hebraïque, Grecque,
& Latine.

Il a escrit premierement en Latin, & depuis traduit en François un
livre qu'il a intitulé en Latin Theologia Germanica, & en Fran-
çois il luy a donné ce titre comme s'ensuit, Traicté du vieil & nouvel
homme. S'il n'en est autheur, pour le moins aucuns le luy mettent à sus.
Aussi on luy attribue le livre mis soubs le nom de Martin Belie, escrit
tant en Latin qu'en François, auquel Theodore de Beze a fait response:
mais je n'asseure pas qu'il en soit autheur, car il n'y a point mis son
nom.

Il a traduit toute la saincte Bible de langue Hebraïque en Latin, &
de Latin en François, laquelle a esté imprimee.

On luy met encores à sus un livre intitulé le Conseil à la France de-
solee.

Il mourut environ l'an 1563. soubs le regne de Charles 9.