ROBERT ESTIENNE



[La Croix du Maine, page 444]
B. L. ROBERT ESTIENNE Parisien, frere de François Estienne, enfans de Ro-
bert Estienne 2. du nom, (tous deux neveux de Henry) &c. jeunes hom-
mes for doctes en Grec & en Latin.

Il a composé plusieurs poëmes és langues susdites, & encores s'en
voit-il plusieurs imprimez és oeuvres de Philippes des Portes, & sur la
mort de Messire Chrestofle de Thou, premier President de Paris, & sur
autres personnes de qualité.

Il a traduit plusieurs autheurs Grecs en Latin, & de Latin en François,
mais ils ne sont encores en lumiere.

Il est de for grande esperance, pour estre si docte & sçavant és lan-
gues en un si bas âge, (ce qui est une chose commune à tous ceux de sa
maison:) car il y en a eu sept ou huict tous de ce nom, qui ont mis leurs
escrits en lumiere, tant hommes que femmes, tant ils sont nez aux let-
tres, & desireux d'apprendre, de pere en fils.

Il florist à Paris cette annee 1584. & fait sa demeure ordinaire chez
Monsieurdes Portes, Abbé de Tyron & de Josaphat pres Chartres, lequel
l'a for recommandé pour l'excellence de son esprit.