PIERRE TAHUREAU

Fiche personne

[La Croix du Maine, page 416]
B. L. PIERRE TAHUREAU , gentilhomme du Maine, sieur de la Chevale -
rie & du Chesnay, frere aisné de Jaques Tahureau, autheur de ce beau
& aggreable livre des dialogues &c. tous deux enfans de defunct Mon -
sieur le Juge du Maine (comme nous avons dit cy dessus, parlants dudit
Jaques &c.)

Ce seigneur de la Chevalerie est l' un des plus sages & advisez gen-
tils-hommes & des plus doctes & lettrez qui soit au Maine, & for bien
versé en la Jurisprudence , de laquelle il se sert pour pacifier tous ceux,
qui auroyent envie de proceder. Car detestant sur tout les procez, & les
maux qui en viennent, il conseille tellement ceux qui ont recours à luy
en celà, que pas un n'a desir de proceder plus avant : Ce qu'il fait par une
bonté nee avec luy, & non pour autre chose que pour l'honneur de
Dieu, & l'amitié de son prochain. Car sa profession est de suyvre les ar-
mes, & non la robbe longue, encores que defunct son pere eust un
estat de Juge , auquel il s'est tellement porté, que c'estoit le plus aimé &
respecté, qu'autre qui aye esté devant luy, & peult estre de ceux qui
viendront apres, soit pour resentir sa generosité & le lieu dont il estoit
issu, que pour sa doctrine & sçavoir : Car pour dire un mot de sa descen-
te & origine, elle est de Messire Bertrand du Guesclin ou Gué-Aquin
Connestable de France, comme j 'ay veu par les memoires & enseigne-
mens de cette maison. Ce que nous deduirons autre-part plus ample-
ment.

Ledit Pierre Tahureau a escrit plusieurs for beaux & doctes livres ,
lesquels il n'a encores mis en lumiere, sçavoir est, un livre de la police
& republique Françoise, contenant un discours des Estats & offices,
tant des nobles que de ceux de robbe longue, & de leur premiere insti-
tution. Il n'est encores imprimé.
[page 417]
L'histoire de nostre temps, soubs les regnes des rois de France, Fran -
çois premier, Henry second, François second, Charles neufiesme &
Henry troisiesme à present regnant. Elle n'est encores en lumiere.

Plusieurs poësies Françoises, non encores imprimees, sinon quel-
ques- unes qui sont avec les oeuvres de son frere susdit, Jaques Tahu-
reau.

Il florist au Maine cette annee 1584. âgé de 50. ans ou environ .