loader


PIERRE SAICHEESPEE, OU SECHE-ESPEE

Type : notice

Source : La Croix du Maine

Identifiant BVH : lcdm-not_1849

lcdm-not_1849
noms de personnesbibliographietexte brut
originalrégularisé

[La Croix du Maine, page 413]
B. L. F. PIERRE SAICHEESPEE, OU SECHE-ESPEE, appellé en Latin
Petrus Aridiensis, de l'ordre des freres Prescheurs ou Jacobins, du con-
vent du Mans. docteur en Theologie à Paris, &c. Il estoit natif de la
paroisse de Vvalon pres l'Epiceliere-Guillard, à trois lieuës du Mans.
aucuns l'ont appellé de ce nom Aridiense, au lieu de Seche-espee
qui estoit son vray surnom: & mesmes celuy qui a mis par

[page 414]
ordre les noms des docteurs qui furent au Concile de Trente, le nomme
de ce nom d'Aridiense. Que s'il se fust appellé Sechespeus, sans vouloir fai-
re un autre nom composé de ces mots Aridus ensis, qui est à dire Seche
espee, il n'eust pas esté ainsi mal traduit en François, nom-plus que ce-
luy d'un qui s'appelloit De la forest, qui voulut avoir ce nom Latin de
Nemore ou bien Nemorensis, au lieu de s'appeller de Foresta, & en fin le
traducteur voulant tourner ce nom en François, il l'appella de Nemours.
Dequoy j'advertis en passant ceux qui escrivent si obscurement leurs
noms en Latin, qu'il est impossible de les traduire, sans s'y abuser. Et
avant que finir ce chapitre, je diray qu'un nommé Piau s'appella en La-
tin Pius, au lieu d'avoir mis Piculus, & le traducteur mist Debonnaire,
vous voyez s'il y a de l'approche de l'un à l'autre.

Pour revenir à parler du susdit, je confesse n'avoir point veu de ses con-
positions Françoises imprimees, desquelles il en avoit un grand nom-
bre, mais bien de ses Latines, lesquelles se voyent escrites à la main en
la Bibliotheque de messieurs de la theologie de Paris, &c.

Il florissoit soubs Charles 9. l'an 1564.