loader


PIERRE DE RONSARD

Type : notice

Source : La Croix du Maine

Identifiant BVH : lcdm-not_1846

lcdm-not_1846
noms de personnesbibliographietexte brut
originalrégularisé

[La Croix du Maine, page 412]
PIERRE DE RONSARD gentilhomme Vandomois, fils de Messire
Loys de Ronsard sieur de la Possonniere, pres Montoire au Maine, en
laquelle terre ledit Pierre de Ronsard nasquit: elle est situee au bas Van-
domois, qui est du spirituel du Maine, & du temporel de Chartres, &
par consequent il est Mançois, ou né au pays & conté du Maine: ce que
je dy expressement, de peur qu'il n'en advienne dispute entre les nations
qui se le voudront attribuer & vendiquer, comme leur nourrisson, sans certi-
tude de sa vraye patrie, & lieu de son origine & naissance, pour laquelle
chose lon a veu sept bien fameuses villes disputer d'Homere & debatre son
pays: tant il y avoit d'honneur à qui pourroit se venter de l'avoir engendré.


[page 413]
Ce seigneur de Ronsard s'adonna assez tard pour apprendre la lan-
gue Grecque, mais ayant l'esprit bon, & le desir d'apprendre extreme-
ment grand, ensemble estant instruit par un si bon maistre & sçavant
precepteur qu'est monsieur d'Aurat Poëte du Roy (homme tant re-
nommé qu'il n'est icy besoin de le recommander davantage) il devint
tellement sçavant en peu de temps, que tout son siecle est entré en ad-
miration de son sçavoir, & pour sa docte façon d'escrire en vers, agrea-
ble mesmes à ceux qui en seroient jaloux, pour une mesme profession.
Aussi veux-je icy rapporter, ce que aucuns de ses amys ont trouvé de fa-
tal en son nom retourné qui est tel, De don rare prisé, &c. autres y ont
trouvé plusieurs autres anagrammes, mais il n'y en a point de si propre
que cettuy-cy.

Toutes les oeuvres dudit sieur de Ronsard, ensemble sa Franciade, &
ses amours commentez par Marc Antoine de Muret & Remy Belleau,
ont esté imprimees à Paris par diverses fois, chez Maurice de la Porte
& Gabriel Buon, mais elles ont esté imprimees en grande marge (que
lon appelle en fueille, ou bien in folio pour parler selon les imprimeurs
& libraires) cette annee 1584. for correctes & de beaux caracteres chez
ledit Buon, reveües, recorrigees & augmentees par l'autheur en cette
derniere edition.

Il florist cette annee 1584. âgé d'environ 60. ans.