loader


PIERRE DE CVGNIERES OU CVNIERES

Type : notice

Source : La Croix du Maine

Identifiant BVH : lcdm-not_1752

lcdm-not_1752
noms de personnesbibliographietexte brut
originalrégularisé

[La Croix du Maine, page 391]
B. L. Messire PIERRE DE CVGNIERES OU CVNIERES Chevalier, dit
en Latin Cunerius ou bien à Cuneriis, & selon le vulgaire, il a esté nom-
mé en derision de ce qu'il s'estoit bandé contre les Ecclesiastiques,
Maistre Pierre du Coignet ou Quignet &c.

Il fut Conseiller & Advocat de Philippes de Valois Roy de France
l'an 1328. & selon d'autres il estoit seulement son Procureur, & outre ce-
lâ Archidiacre en l'Eglise de Nostre-Dame à Paris.

Il estoit seigneur de Saintines pres Verberie, au Duché de Valois.

Il espousa Madame Ieanne de Nery.

Ledit de Cugnieres a escrit & mis en lumiere une sienne oraison ou
harangue, par laquelle il s'efforce de prouver, que le glaive de S. Pierre
n'estoit que spirituel, & que touchant le temporel, qu'il n'appartenoit
aux Ecclesiastiques d'en avoir aucune cognoissance, & tant s'en fault
l'administration, proprieté & possession.Ce sont icy les mots desquels
usePierre de S. Julien, Doyen de Chalon en ses antiquitez de Bour-
gongne, au chapitre de Chalon fol. 470. parlant dudit de Cugnieres.

Monsieur le Cardinal d'Authun, Messire Pierre Bertrand, fist respon-
se à la harangue dudit de Cugnieres, laquelle se voit imprimee en plu-
sieurs endroits, &quant à celle de son adversaire elle n'est pas si commune.

[page 392]
Ledit Advocat du Roy est enterré en l'Eglise de sainct Julien de
Saintines en Valois.

Je feray plus ample mention du susdit au discours de sa vie, lequel
j'ay escrit avec les vies des hommes d'Estat ou de robbe longué.