loader


PIERREAIRAULT

Type : notice

Source : La Croix du Maine

Identifiant BVH : lcdm-not_1703

lcdm-not_1703
noms de personnesbibliographietexte brut
originalrégularisé

[La Croix du Maine, page 381]
B. L. PIERREAIRAULT Angevin, dit AErodius, Lieutenant general crimi-
nel au siege presidial, & Seneschaussee d'Aniou, maistre des requestes
de l'hostel de Monsieur le Duc d'Anjou, frere du Roy, &c.

Cette famille des Airaults en Aniou, a esté tresrenommee de tout
temps, & encores de fresche memoire nous avons eu en France pour
Garde-Seaux, Messire François Errault de Chemens, sieur dudit lieu en
Anjou: Et encores a produit plusieurs doctes hommes, qui ont fait pro-
fit à la republique, tant par les lettres que par les armes.

Le susdit Pierre Airault, a escrit en François, un traicté de l'ordre &
Instruction Judiciaire, dont les anciens Grecs & Romains ont usé, en
accusations publiques, conferé à l'usage de nostre France, imprimé à
Paris l'an 1576. in 8. & contient 12. fueilles.

La Pratique en Droict, imprimee à Paris l'an 1576.

Recueil de 21. Plaidoyers, faits en la Cour de Parlement à Paris, avec
les Arrests sur ce intervenuz, imprimez à Paris chez Martin le Jeune
l'an 1568.

Harangue faite à Monseigneur le Duc d'Anjou, frere du Roy, &c.
à son arrivee en sa ville d'Angers, depuis son Apennage, qui fut le 7.

[page 372]
de Janvier l'an 1570. imprimee à Angers chez René Piquenot, audit an
1570.

Il a escrit plusieurs autres livres, desquels je n'ay pas cognoissance:
quant à ses oeuvres en Latin, nous en ferons mention dans nostre Bi-
bliotheque Latine.

Il florist à Angers cette annee 1584.