loader


NICOLAS REINCE

Type : notice

Source : La Croix du Maine

Identifiant BVH : lcdm-not_1587

lcdm-not_1587
noms de personnesbibliographietexte brut
originalrégularisé

[La Croix du Maine, page 354]
NICOLAS REINCE Parisien, secretaire de Monsieur le Cardinal du
Bellay Evesque de Paris, & Ambassadeur pour le Roy François pre-
mier à Rome.

Il a traduit de François en Italien, l'histoire de Philippes de Comi-
nes, à la requeste de Paule Joue, historien tant renommé de nostre temps,
comme tesmoigne le mesme Paule Joue en son Epistre au Cardinal
Fernese, mise au devant de ses Eloges, ou description des vies des hom-
mes doctes de l'Univers &c. laquelle traduction a esté imprimee à Ve-
nise.

François Billon secretaire, racompte qu'iceluy Reince estoit si fidel
à son maistre, qu'il refusa un jour d'un riche seigneur, amy de l'Empe-
reur, cinq mille ducats pour laisser seulement transcrire, ou prendre la
copie des papiers & memoires concernants les affaires d'Estat, & par
luy mandez en Italie par l'espace de trente ans.

Ce qui fut cause que l'Empereur Charles cinquiesme, dist une fois
au Pape Jules troisiesme du nom (en presence de Charles, Cardinal &
Evesque de Mascon, Ambassadeur pour le Roy de France, François
premier du nom vers les Romains, & autres personnes de qualité) que
il n'avoit point en toute l'Italie un plus grand adversaire que le susdit
Secretaire Nicolas Reince.

Il florissoit à Rome l'an 1530.