loader


NICOLAS HOVEL, ou bien HOEL

Type : notice

Source : La Croix du Maine

Identifiant BVH : lcdm-not_1567

lcdm-not_1567
noms de personnesbibliographietexte brut
originalrégularisé

[La Croix du Maine, page 346]
B. L. NICOLAS HOVEL, ou bien HOEL, Bourgeois de Paris, autrefois
marchant Apoticaire en ladite ville, & maintenant premier inventeur,
intendant & gouverneur de la maison de la Charité chrestienne, esta-
blie à Paris l'an 1578. &c. duquel la devise est Scopus vitae christus &c.


[page 347]
Il a escrit un traicté de la peste, auquel il est amplement discouru, de
l'origine, cause, signes, preservation & curation d'icelle, avecques les
vertuz & facultez de l'electuaire de l'oeuf, duquel jadis souloit user
l'Empereur Maximilian, le tout imprimé à Paris chez Galiot du Pré
l'an 1573. in 8. en 5. fueilles.

Traicté de la Theriaque & Mithridat, contenant plusieurs questions
generales & particulieres, avecques un entier examen des simples me-
dicaments qui y entrent: le tout divisé en deux livres par ledit Hoüel,
imprimez à Paris in 8. l'an 1573. & contiennent 20. fueilles.

L'histoire de la Roine Arthemise, escrite en prose, divisee en quatre
livres, laquelle il a depuis reduite en quartons, de peintures de blanc &
noir, façonnees par les plus rares peintres de France & d'Italie, accom-
pagnee de plusieurs vers François, servants d'explication à ladite hi-
stoire, composez par les plus excellents Poëtes de nostre temps.

Cette histoire n'est encores en lumiere: elle se voit au cabinet dudit
sieur Nicolas Hoüel: laquelle il a composee par le commandement de
la Roine mere du Roy, & a fait une despense infinie, & presque incroia-
ble, pour rendre cette histoire parfaite & accomplie de tous poincts:
Je ne sçay pas quelle recompense il a receu pour ses travaux, mais je
sçay bien qu'il y a employé la plus part de son industrie, & de ses
moyens.

Advertissement & declaration, de l'institution de la maison de la
Charité chrestienne, establie és faux bourgs de S. Marceau à Paris l'an
1578. avecques plusieurs saintes exhortations &c. le tout imprimé à
Paris chez Pierre Cheuillot l'an 1580.

L'histoire des François, non encores imprimee.

Il a escrit un abregé de ladite histoire, contenant les vies de chacun
Roy de France, avec leurs visages, ou resemblances, tirees apres le na-
turel, & avec les descriptions des batailles qu'ils ont donnees, le tout
en taille douce. Ce livre n'est encores imprimé.

Il florist à Paris cette annee 1584. âgé de 60. ans ou environ.