NICOLAS DE LA GROTTE



[La Croix du Maine, page 345]
NICOLAS DE LA GROTTE, valet de chambre & organiste du
Roy de France Henry troisiesme.

Il a mis en musique les chansons de Pierre de Ronsard, Philippes
des Portes, Jean Antoine de Bayf, de Syllac & autres excellents Poëtes
François, imprimees à Paris par Adrian le Roy, & Robert Ballard fre-
res, l'an 1570.

Il a escrit & composé plusieurs autres choses en musique, desquel-
les je n'ay pas cognoissance.

J 'oseray asseurer que l'anagramme, qui a esté si heureusement fait
par Jean Dorat Poëte du Roy, sur le nom dudit sieur de la Grotte, est
tout divin & fatal, (s'il fault ainsi parler) lequel est tel, Nicolaus Grotus.
Tu solorganicus. Car tous ceux qui ont eu cet heur, de l'ouir joüer de
l'espinette, & sur les Orgues & autres instruments de musique, tesmoi-
gneront avec moy, qu'il est bien difficile d'en trouver un en nostre siecle,
qui soit plus parfait & accomply en cet art, & suis en doubte s'il s'en
trouvera jamais un qui le passe en douceur de jeu, en delicatesse de
main, & profondité de musique, & cognoissance de son art, & qui
puisse donner un si bel air, & son agreable à son jeu, comme il fait, sans
vouloir icy oster l'honneur deu à ceux qui excellent en cette science.

Si ce que je vien de dire n'est veritable, & trouvé tel des autres, je diray
[page 346]
qu'ils sont jaloux de luy, pour ses perfections, ou bien incapables d'en
donner leur jugement .

Il florist à Paris cette annee 1584.