loader


NICOLAS AVDEBERT

Type : notice

Source : La Croix du Maine

Identifiant BVH : lcdm-not_1539

lcdm-not_1539
noms de personnesbibliographietexte brut
originalrégularisé

[La Croix du Maine, page 336]
B. L. NICOLAS AVDEBERT natif d'Orleans, Conseiller du Roy au Par-
lement de Rennes en Bretagne, fils de Germain Audebert, Conseiller
du Roy à Orleans, homme tant renommé pour son sçavoir, & sur tout
pour l'heur qu'il a, de composer si heureusement tant de beaux oeuvres
en vers Latins, entre lesquels est la Venetiade, ou histoire des Venitiens,
imprimee depuis peu de jours ença, (comme nous dirons autre-part
plus à propos) du sçavoir duquel Germain Audebert, n'a point dege-
neré son fils Nicolas, car il est for bien versé en l'une & l'autre langue &
a composé plusieurs doctes vers tant en Grec & Latin qu'en nostre lan-
gue Françoise, comme il se peut voir en ce qu'il a escrit sur la mort de
Odet de Turnebu, ou Turnebe, fils de ce grand personnage Adrian
Turnebe, tant renommé par tout l'univers, lesquelles poësies sont im-
primees chez Mamert Patisson avec les autres sur le trespas dudict
Odet.

Il florist cette annee 1584. & donne une certaine esperance de mon-
trer un jour par effect (tant par les lettres qu'autrement) les dons & gra-
ces que Dieu luy a departies.