loader


MATHIEV DE VAVCELLES

Type : notice

Source : La Croix du Maine

Identifiant BVH : lcdm-not_1483

lcdm-not_1483
noms de personnesbibliographietexte brut
originalrégularisé

[La Croix du Maine, page 317]
B. L. MATHIEV DE VAVCELLES, Imprimeur & Libraire au
Mans, en laquelle ville il nasquit le Mardy 18. jour de Janvier, l'an
1507.

Ledit Vaucelles estant for jeune, escrivit quelques Poësies Fran-
çoises, contre Clement Marot, soubs le nom de Poëte champestre, les-
quelles ont esté imprimees il y a plus de 40. ou 50. ans.

Lon voit plusieurs de ses compositions, tant en vers qu'en prose, sur
la fin du Catechisme de pere Emond Auger, de l'ordre des Jesuites: sça-
voir est l'oraison à Dieu, & autres poëmes.

Il a escrit plusieurs Noels ou Cantiques, sur l'advenement de nostre
Seigneur Jesu-christ, imprimez par luy-mesmes à diverses annees.

Epitaphes sur le trespas de Monsieurde Hangest chanoine en l'Eglise

[page 318]
du Mans, & encores sur la mort de Monsieur de Langey, & plusieurs
autres personnes illustres.

Le Panegyric des sciences, lequel il presenta à Monsieur frere du Roy,
lors qu'il passa par la ville du Mans en l'an 1577.

Il a davantage escrit plusieurs Poëmes à l'honneur de Messieurs les
Evesques du Mans, & entre autres aux Entrees de Monsieur le Reve-
rendissimme Cardinal de Rambouillet, Evesque du Mans, faites en ladit-
te ville, imprimees par luy.

Il est cause que la carte ou description du Maine, escrite par Macé
Ogier prestre, (duquel nous avons parlé cy dessus) a esté imprimee
par luy & Alexandre Chouen en l'an 1539. & depuis encores en l'an 1565.
avecques une for docte epistre de sa façon, discourant des loüanges du
Maine &c.

Il se trouve plusieurs livres imprimez par ledit Vaucelles, lequel en
ses premieres editions, se nommoit Macé de Vaucelles simplement: &
depuis en ses autres oeuvres il s'est appellé Mathieu de Vaucelles, qui est
un mesme, quant au Latin Mathaeus, dequoy j'advertis les lecteurs, afin
qu'ils ne pensent pas que ce soyent deux divers autheurs, encores qu'il
se soit appellé de ces deux divers noms: & pense que ce qui fut cause
qu'il se nomma depuis Mathieu de Vaucelles & non pas Macé Vaucelles,
ce fut à l'occasion de l'heureux anagramme qui se trouve en ce nom,
qui est tel, Dieu veult l'ame chaste.

Il mourut au Mans l'an 1578. le Ieudy premier jour de Janvier âgé de
72. ans, auquel mois il avoit esté né.