loader


MARTIN DU BELLAY

Type : notice

Source : La Croix du Maine

Identifiant BVH : lcdm-not_1465

lcdm-not_1465
noms de personnesbibliographietexte brut
originalrégularisé

[La Croix du Maine, page 313]
Messire MARTIN DU BELLAY Chevalier de l'ordre du Roy, & son
Lieutenant general en Normandie, Prince d'Yvetot en Jadite Norman-
die, à cause de madame Ysabeau Chenu sa femme, dame dudit lieu, &c.
laquelle seigneurie d'Yvetot a autrefois esté erigee en tiltre de Royau-
me, de par le Roy de France, Clotaire premier du nom, l'an de salut 560.
comme nous dirons autre-part.

Cestuicy estoit frere de puisné de Monsieur le Cardinal du Bellay,
& de Messire Guillaume du Bellay seigneur de Langey, desquels nous
avons parlé cy devant.

[page 314]
Il a escrit les Memoires des choses les plus memorables qu'il a ♦veües
& observees és guerres, esquelles il a esté employé pour le service ♦des
Roys de France ses maistres, depuis l'an 1513. jusques au temps du Roy
Henry 2. Lesdits Memoires ont esté imprimez avec ceux de monsieur
de Langey son frere, l'an 1569. à Paris, chez Pierre l'Huillier, par la dili-
gence de Messire René du Bellay, Baron de la Lande en Anjou heritier
des susdits. Messire Henry de Mesmes seigneur de Roissi & Malasise, a
communiqué ses Memoires escrits à la main, composez par messieurs du
Bellay, à fin de les faire imprimer ♦pl9 corrects sur la copie qu'il en avoit:
enquoy il ne faut taire icy le nom de monsieur Capel, docteur en Me-
decine, lequel s'est beaucoup travaillé pour l'edition d'iceux.

Le susdit Martin du Bellay mourut à Glatigny au Perche l'an 1559. le
9. jour de Mars, qui est une des plus anciennes maisons de France, de
laquelle estoit seigneur Landry de la Tour, Connestable de France
soubs le regne de Chilperic, en l'an de Salut 587. & depuis elle est venue
par succession à la maison du Bellay en Anjou, &c.