MARTIAL D'AUVERGNE

Fiche personne

[La Croix du Maine, page 312]
MARTIAL D'AUVERGNE , Procureur au Parlement de
Paris l'an 1480. natif de Lymosin, encores qu'il s'appellast Martial
d' Auvergne , &c.

Il a escrit en vers François l'histoire de Charles 7. Roy de France, le-
quel livre il a intitulé les Vigiles du Roy Charles 7. & contient com-
me il conquist la France sur les Anglois, & les Duchez de Normandie
& de Guienne, &c. imprimé à Paris par diverses fois.

Il a davantage escrit quelques prieres à Nostre Dame, intitulees les
Devotes louanges à la vierge Marie, &c. imprimees à Paris par Jean du
Pré l'an 1492.

Il a composé en prose Françoise, Cinquante Arrests d'Amours, im-
primez à Paris l'an 1528. & auparavant : Lesdits Arrests ont esté commen -
tez de for doctes annotations par un Jurisconsul Lyonnois nommé
Benedictus Curtius Symphorianus, & ont esté imprimez à Lyon & à Pa-
ris.

Plusieurs autheurs font mention dudit Martial d'Auvergne , & entre
autres Lilius Gregorius Giraldus de Ferrare en Italie, lequel parle de luy
en ses Dialogues des Poëtes de nostre temps, fol. 77. Jean de Luc, J . C.
Parisien dit Lucius, en fait aussi mention, & ledit Curtius de Sainct Sa-
phorin pres Lyon, en ses Commentaires susdits fol. 18.

J 'ay souvenance d' avoir leu dans les histoires de France, que cettuy
Martial d'Auvergne mourut à Paris d' une fiebvre chaude, & qu'il se
precipita dans l'eau, estant pressé de la fureur de son mal: ce que firent
plusieurs autres de son temps, pour la mesme maladie.