MARIE STUART OU ESTUARD



[La Croix du Maine, page 311]
B. L. MARIE STUART OU ESTUARD Roine d'Escosse, femme de Fran-
çois de Valois 2. du nom Roy de France, fils de Henry 2. &c.

Cette Dame & tres-illustre Princesse a beaucoup de perfections &
vertus recommandables, & principalement touchant les arts & scien-
ces, dequoy elle donna un suffisant tesmoignage (lors qu'elle prononça
en la presence du Roy de France Henry 2. accompagné de la plus part
des Princes & seigneurs de sa Cour) une oraison Latine, en forme de
Paradoxe, par laquelle elle souftint, qu'il est bien seant aux femmes de
sçavoir les lettres & les arts liberaux, &c. laquelle oraison elle a depuis
traduite en François. Mais elles ne sont encores en lumiere, non plus
que ses poësies Francoises. Antoine Fouquelin de Chauny en Verman-
dois, fait treshonorable mention de laditte Royne, en sa Rhetorique
Françoise, laquelle il luy a dediee, & racompte d'elle ce que j 'ay dit cy
dessus.

Elle florist cette annee 1584. Dieu luy vueille donner accroissement
d'honneur & de prosperité en toutes sortes.