loader


MARGUERIN DE LA BIGNE

Type : notice

Source : La Croix du Maine

Identifiant BVH : lcdm-not_1445

lcdm-not_1445
noms de personnesbibliographietexte brut
originalrégularisé

[La Croix du Maine, page 307]
B. L. MARGUERIN DE LA BIGNE, seigneur de Lambougne, gentilhom-
me natif de Bayeux en Normandie (issu de par sa mere de la maison des
Barons d'Ingrande en Anjou, surnommez du Parc) docteur en Theo-
logie à Paris: premierement Chanoine en l'Eglise de Bayeux, & mai-
stre d'Escole ou docteur scholastiq en laditte Eglise l'an 1580. & depuis
grand Doyen en l'Eglise du Mans, apres la mort de François du Parc
son oncle maternel.

Ce seigneur de la Bigne, est for docte en plusieurs arts & sciences, &
sur tout en la Theologie, qui est sa principale profession.

Il a composé plusieurs livres en Latin, lesquels ont esté imprimez à
Paris chez Michel Somnius l'an 1580. & entre autres sa Bibliotheque
des Theologiens Grecs & Latins, & autres oeuvres dont je feray men-
tion autre-part.

Il a prononcé plusieurs harangues tresdoctes en nostre langue Fran-
çoise, & a fait plusieurs predications, ou sermons tant en l'Eglise du
Mans qu'en autres lieux, lesquels ne sont encores en lumiere.

Il florist au Mans cette annee 1584. âgé d'un 37. ou 38. ans. Il fut de-
puté par Messieurs du Clergé de Normandie pour aller aux Estats de
Blois l'an 1576.