MAGDELEINE NEVEU

Fiche personne

[La Croix du Maine, page 303]
MAGDELEINE NEVEU , Dame des Roches en Poictou, mere de
Catherine des Roches, toutes deux si doctes & sçavantes , que la Fran-
ce peult se vanter les ayant engendrees, d' avoir produit en elles les deux
perles de tout le Poictou: qui est une region abondante en toutes cho-
ses, & sur tout en personnes d'esprit, entre lesquelles celles-cy doyvent
obtenir le premier rang pour leur sçavoir .

Ladite Magdeleine Neveu , a escrit plusieurs poëmes & autres oeu-
vres en prose, lesquelles ont esté imprimees à Paris, avec celles de sa fil-
le Catherine des Roches.

Caye Jules de Guersens (duquel nous avons ja parlé cy dessus) a fait
imprimer une tragedie Françoise , prise du Grec de Xenophon , de laquelle
le tiltre est Panthee, & proteste en son epistre, mise au devant d'icelle,
qu'il n'en est l'autheur, mais qu'elle est de la façon de Mesdames
des Roches de Poictiers. Je ne sçay s'il est ainsi, ou bien s'il le faisoit pour
[page 304]
s'aquerir davantage l'amitié de ladite Catherine, laquelle il pretendoit
espouser, si elle eust voulu tant l'honorer. Ladite Tragedie a esté im-
primee à Poictiers l'an 1571. chez les Bouchets, & se voit au devant d' j -
celle, un quadrain de ladite Dame des Roches Magdeleine Neveu . El-
les sont encores aujourd 'huy vivantes , & florissent à Poictiers cette an-
nee 1584. & ne cessent de travailler pour se rendre immortelles en tou-
tes sortes dignes de perpetuelle gloire.