loader


LOVIS LE CHARON

Type : notice

Source : La Croix du Maine

Identifiant BVH : lcdm-not_1396

lcdm-not_1396
noms de personnesbibliographietexte brut
originalrégularisé

[La Croix du Maine, page 292]
B. L. LOVIS LE CHARON Parisien Advocat au Parlement de Paris, homme
for renommé pour la Jurisprudence & autres bonnes parties de Philo-
sophie qui sont en luy. Il s'appelle autrement Louis Charondas le Cha-
ron, Jurisconsul Parisien, &c.

Il a escrit un Panegyrique, ou Oraison à la loüange du Roy Charles
9. imprimé chez Robert Estienne à Paris l'an 1566.

Les dialogues de Louis le Charon, imprimez à Paris.

La Philosophie d'Amour, traduite d'Italien en François par ledit
le Charon, imprimee à Paris.

Les Poësies de Louis le Charon.

Les amours de sa Claire, imprimees à Paris.

Il a mis en lumiere la pratique de feu Monsieur le premier President
de Paris M. Pierre Lyset, imprimee à Paris.

Claude de Boissieres Dauphinois racompte sur la fin de son art Poë-
tique François, que ledit Loys le Charon a escrit quelques Odes saphi-
ques, & un poëme qu'il appelle son Daemon.

Responses du Droict observé en France, confirmees par Arrests de la
Cour de Parlement, avec une Preface, ou avant-propos, contenant plu-
sieurs discours de la Prudence civile, & de l'histoire Françoise, impri-
mees à Paris chez Vincent le Normand l'an 1572.

Trois livres de responses du droict François, &c.

Le troisiesme livre de ses responses, a esté imprimé à Paris chez Vin-
cent le Normand l'an 1577. Les deux autres ont esté imprimez chez
Vincent le Normand l'an 1576. & 1577.

Response Politique, à ceux qui luy ont demandé les moyens, pour
empescher les troubles & seditions, imprimee avec le 3. livre de ses res-
ponses.

Il a escrit plusieurs livres touchant la Republique, du 8. desquels la-
ditte response politique a esté extraicte, & prononcee par luy en l'assem-
blee des Estats du bailliage & Conté de Clermont en Beauvaisis au pays
de Picardie.

Il a escrit quatre livres de Pandectes, ou Digestes de la Jurispruden-
ce Françoise, non encores mis en lumiere.

Plusieurs livres de Philosophie, tant en Latin qu'en François.

Il a fait imprimer le Cours du Droict Romain, & a escrit quelques
annotations sur iceluy.

Panegyric troisiesme du devoir des Magistrats, imprimé à Paris chez
Robert Estienne l'an 1567.

Commentaires sur l'Edict des secondes nopces, imprimé à Paris l'an
1560.

[page 293]
Il a escrit plusieurs autres livres, desquels je n'ay pas cognoissance:

Car je n'ay reçeu aucun advertissement touchant ce qu'il a composé,
non plus que de tous les autres, desquels je fay mention en ceste Bi-
bliotheque Françoise.

Il florist à Clermont en Picardie cette annee 1584.