loader


JOACHIN DU BELLAY

Type : notice

Source : La Croix du Maine

Identifiant BVH : lcdm-not_1320

lcdm-not_1320
noms de personnesbibliographietexte brut
originalrégularisé

[La Croix du Maine, page 273]
B. L. JOACHIN DU BELLAY, gentilhomme Angevin, sieur de Gonnor
en Anjou, Archidiacre en l'Eglise de Nostre-dame de Paris. Cetui-cy a
esté l'un des plus estimez Poëtes Latins & françois de nostre temps, &
lequel a composé des oeuvres, lesquelles vivront autant que dureront
les langues esquelles il a escrit.

Il composa en ses plus jeunes ans, la defense & illustration de la lan-
gue Françoise, ensemble un poëme de ses amours, contenant plus de 50.
Sonnets faits en faveur de sa maistresse qu'il appelle Olive. Un recueil
de poësie, la traduction du quatriesme & sixiesme livres de l'Eneide de
Virgile, ensemble plusieurs autres traductions de divers autheurs, les
Regrets de l'autheur estant à Rome, les antiquitez de Rome, divers
Jeux rustiques, Epithalame sur le mariage du Duc de Savoye, le tom-
beau du Roy Henry second, discours au Roy sur le fait des quatre Estats
de son Royaume, plusieurs passages des meilleurs autheurs Grecs &
Latins, citez par le Roy, en ses commentaires sur le Sympose,
ou Banquet de Platon, le tout imprimé autrefois chez Federic Morel
à Paris l'an 1569. & depuis lon a recouvré plusieurs autres poësies tant
Latines que Françoises, toutes imprimees ensemble chez ledit Morel
& Abel l'Angelier cette annee 1584.

Il mourut le premier jour de l'an en Janvier 1559. ou bien 1560. selon
aucuns.