loader


JEAN DU PIN

Type : notice

Source : La Croix du Maine

Identifiant BVH : lcdm-not_1252

lcdm-not_1252
noms de personnesbibliographietexte brut
originalrégularisé

[La Croix du Maine, page 258]
JEAN DU PIN Theologien, Medecin, Poëte François & Orateur, au-
tres l'appellent du Pain, mais c'est à l'imitation des Parisiens, qui ont ce
dialecte ou façon de prononcer Pain pour Pin &c.

Cetui-cy estoit moine de l'Abbaye de Vaucelles. Il nasquit en l'an
de salut 1302. ou 1303.

Il a escrit un traicté qu'il intitule Mandevie, ou bien le champ ver-
tueux de bonne vie, contenant huict livres, lequel il a escrit moitié en
vers & moitié en prose: Il le commença en l'an de salut 1324. & en l'an
de son âge 22. & l'acheva en l'an de salut 1340. & de son âge 37. ou 38.

Ce livre a esté imprimé à Paris chez Michel le Noir in 8. char. 24.
il a plus de soixante ans.

Il a escrit un opuscule, intitulé l'Evangile des femmes, composé
en vers Alexandrins ou de douze syllabes, que les anciens appelloyent
longue ligne.

Il florissoit soubs Philippes le Bel, & Philippes de Valois Rois de
France l'an 1324. & 1340.
Il mourut âgé de soixante & dix ans, au pays du Liege en Almagne
l'an 1372.

Il est enterré en l'Abbaye des Guillemins.

Plusieurs autheurs de marque, ont fait mention de luy en leurs oeu-
ures, sçavoir est Loys Guichardin en la description des pays bas, René
Chopin en son livre de sacra politia Forensi fol. 468. de la premiere
edition, & Claude Fauchet President de Paris, & autres enco-
res.