loader


JEAN LE MAIRE

Type : notice

Source : La Croix du Maine

Identifiant BVH : lcdm-not_1190

lcdm-not_1190
noms de personnesbibliographietexte brut
originalrégularisé

[La Croix du Maine, page 240]
JEAN LE MAIRE, natif de la ville de Belges ou Bavay au Conté de
Hainault, en la Gaule Belgique, sur la riviere de Sambre &c. Il a esté de
son temps l'un des plus renommez pour l'art Oratoire & pour escrire
bien en vers François. Il estoit grand historien.

Il a escrit un for laborieux oeuvre des illustrations de la France, &
des Gaules, contenant quelques singularitez de Troye, imprimees à
Lyon par Jean de Tournes, & auparavant à Paris en plusieurs endrois
& à diverses annees.

Les Epistres de l'Amant verd, escrites en vers François.

Traicté de l'ouverture du Sainct Sepulchre, duquel fait mention
Jean le Feron en son livre des Roys d'armes ou heraults, fol. 39. Ce livre
s'intitule autrement, Recueil sommaire du voyage des Chrestiens en
la Terre Saincte.

Le promptuaire des Conciles de l'Eglise Catholique, avec les scis-
mes, & la difference d'iceux, imprimé à Paris par Guillaume le Bret, l'an
1543.

La Legende des Venitiens, imprimee avec ses illustrations de Gaule.

Genealogie des Turcs & leurs gestes jusques à nostre temps.

Geographie ou description de la terre de Turquie, & de Grece, &
des isles voisines.

Il florissoit l'an 1520. soubs François 1.

Pierre de S. Julien, doyen de Chalon en Bourgongne, fait mention
dudit Jean le Maire, en son livre de l'origine des Bourgongnons, & dit
qu'il estoit precepteur de son pere: & outre ce, il afferme que ledit Iean
le Maire devint sur la fin de ses ans troublé de son entendement.