JAQUES PELLETIER du Mans



[La Croix du Maine, page ♦190]
B. L. JAQUES PELLETIER du Mans, docteur en Medecine à Paris, frere
puisné de maistre Jean le Peletier, docteur en Theologie & grand Mai-
stre du college de Navarre fondé à Paris, &c. tous deux oncles de
M. Jean le Pelletier President au siege Presidial & Seneschaussee du
Maine, & de M. François le Pelletier Conseiller du Roy au Parlement de
Paris, &c. Cestuy-cy estoit estimé l' un des plus grands Philosophes &
Mathematiciens de son temps. Il estoit for excellent Poëte Latin &
François, bien versé en la Medecine, art Oratoire, & Grammaire, en
toutes lesquelles sciences il a escrit des livres , lesquels ont esté imprimez
tant en Latin qu'en François. Il nasquit en la ville du Mans le 25. jour
de Juillet à quatre heures du matin l'an 1517.

Il tourna de Latin en François l'art poëtiq d'Horace, lequel il fist im-
primer l'an 1544. & depuis chez Vascosan l'an 1545.

L'Art poëtique de l' invention dudit Pelletier, departy en deux livres , a
esté imprimé à Lyon, par Jean de Tournes & Guillaume Gazeau l'an
1555.

Les Amours des Amours, contenans plusieurs sonnets amoureux
& autres vers lyriques, imprimez à Lyon par Jean de Tournes l'an 1555.

Poëtiques dudit Jaques Pelletier du Mans, imprimez à Paris
chez Robert Colombel l'an 1581.

Dialogues de l'orthographe & prononciation Françoise, departy en
deux livres , imprimé à Lyon par Iean de Tournes l'an 1555.

L'Arithmetique dudit Pelletier reveüe & recorrigee, imprimee à
Lyon chez Jean de Tournes l'an 1554. & depuis à Paris chez Nicolas du
Chemin.
[page 193]
Les poëtiques dudit Pelletier ont esté imprimees à Paris
chez Vascosan l'an 1547. & sont toutes autres que celles qui ont esté
imprimees chez Colombel contenant les matieres qui s' ensuyvent .

La traduction des deux premiers livres de l'Odyssee d'Homere, Le pre-
mier livre des Georgiques de Virgile, trois Odes d'Horace, un Epigran -
me de Martial, douze sonnets de Petrarque, Vers lyriques de l' inven -
tion dudit Pelletier, Congratulation sur le nouveau regne du Roy
Henry 2. Epigrammes, l'Antithese du Courtisan, & de l'homme de
repos, le tout imprimé ensemble en un volume chez ledit Vascosan
l'an susdit 1547.

L'Algebre, imprimee à Lyon par de Tournes.

Oraison funebre sur la mort de Henry 8. Roy d'Angleterre pronon-
cee par luy l'an de son âge 30. en l'eglise de nostre Dame à Paris par le
commandement du Roy François 1. lors qu'il estoit principal du col-
lege de Bayeux à Paris.

L'Exhortation de la paix entre Charles 5. Empereur des Romains
& Henry 2. du nom Roy de France, imprimee à Paris chez André Ve-
chel l'an 1558. tant en Latin qu'en François.

Les nouvelles recreations de Bonaventure des Periers, est un livre
de l' invention dudit Pelletier & de Nicolas Denisot du Mans, surnom-
mé le Conte d'Alsinois. Je ne veux pas nier qu'il n'y ait quelques con-
tes en ce livre de l' invention dudit Bonaventure , mais les principaux
autheurs de ce gentil & plaisant livre de faceties, sont les susdits Pelle-
tier & Denisot, quoy qu'il ait esté imprimé soubs le nom dudit des Pe-
riers, comme nous avons dit cy dessus à la lettre de B.

La Savoye , qui est un poëme François de l' invention dudit Pelletier
contenant ce qu'il a veu de beau & remarquable en ce pays, lors qu'il
faisoit sa demeure à Annecy pres Chamberry ville capitale de Savoye ,
&c. imprimee audit lieu l'an 1572. par Jaques Bertrand.

Il a composé plusieurs beaux & doctes livres en Latin tant im-
primez en Almagne qu'en France & autres lieux, desquels je fe-
ray mention en ma Bibliotheque Latine des Escrivains Gau-
lois.

Il mourut à Paris au college du Mans (duquel lieu il estoit Principal
l'an 1581. ou 1582. environ Pasques) âgé de 65. ans. Il estoit frere du grand
Maistre de Navarre docteur en Theologie (comme nous avons dit cy
dessus) & encores de M. Julien Pelletier advocat en Parlement,
&c.