loader


JAQUES DE CVIAS

Type : notice

Source : La Croix du Maine

Identifiant BVH : lcdm-not_0920

lcdm-not_0920
noms de personnesbibliographietexte brut
originalrégularisé

[La Croix du Maine, page 181]
B. L. JAQUES DE CVIAS Tolosain, Conseiller du Roy en sa Cour de Par-
lement à Grenoble, & professeur ordinaire en loix à Bourges en Ber-
ry, & auparavant à Valence en Dauphiné, & autres Universitez de
France, esquelles il a fait telle preuve de profonde & solide doctri-
ne, tant par ses doctes lectures, que par ses laborieux & tres-ac-
complis oeuvres, qu'il a mis en lumiere, que nostre siecle ne se peut
vanter d'en avoir un plus grand, soit pour les Loix ou pour les au-
tres sciences & langues, esquelles il est tellement versé, que mes-
mes les Estrangers, Allemands, Italiens & autres, le recognoissent
pour un miracle de nostre siecle. Il n'a pas beaucoup escrit en nostre
langue, n'estant pas sa profession, mais en Latin il s'en voit plu-
sieurs volumes, imprimez à Paris, desquels nous ferons mention
autre part.

Voicy donq ce qu'il a escrit en François, l'oraison funebre, qu'il
prononça aux obseques & funerailles de Messire Gaspard de la Chastre
en Berry, seigneur de Nancey, non encores imprimee.

Quelques-uns pensent qu'il aye escrit les defenses pour Monsieur
de Mont-Luc, Evesque de Valence en Dauphiné, imprimees à Paris
l'an 1575. chez Robert le Mangnier, mais je n'en asseure rien à cause
que son nom n'est pas en ce livre.

Il florist à Bourges ville capitale de Berry cette annee 1584.