loader


GUILLAUME BUDÉ

Type : notice

Source : La Croix du Maine

Identifiant BVH : lcdm-not_0739

lcdm-not_0739
noms de personnesbibliographietexte brut
originalrégularisé

[La Croix du Maine, page 143]
B. L. GUILLAUME BUDÉ Parisien, Conseiller & maistre des requestes de
François 1. du nom Roy de France, Secretaire & maistre de la Librairie
dudit Roy. &c. Il nasquit l'an 1467. C'estoit le plus docte homme de
son temps, & estoit recogneu pour tel, non seulement des François,
mais de tous les estrangers.

Il a escrit en prose Françoise le docte livre de l'institution du Prince,
imprimé à Paris par Jean Foucher l'an 1548.

Il a escrit plusieurs livres en Latin, & entre autres ce tant penible & la-
borieux oeuvre des monnoyes qu'il a intitulé de Assé, duquel l'epitome
ou abregé se voit imprimé en François, tant à Paris qu'à Lyon.

Il mourut à Paris au grand regret de tous les hommes doctes l'an
1540. le 25. jour d'Aoust âgé de 73. ans.

Il fut enterré en l'Eglise de S. Nicolas des champs à Paris, sa vie a esté
descrite for doctement par Loys le Roy dit Regius & imprimee à Paris
par Jean de Roigny.