GEUFROY BOUSSARD

Fiche personne

[La Croix du Maine, page 123]
B. L. GEUFROY BOUSSARD natif de la ville du Mans, docteur en Theolo-
gie à Paris, & Chancelier de ladite Université l'an 1536. ou environ .

Cetuy cy estoit yssu de la tresancienne famille des Boussards au Mai-
ne & estoit oncle de M. Felix Boussard, Conseiller du Roy au siege pre-
sidial du Mans, homme docte és langues, & doüé d' un esprit esmer-
veillable , de grand jugement & de rare doctrine.

Cetuy Geufroy a composé en François, un livre qu'il a intitulé le
Regime & gouvernement pour les Dames & femmes de chacun estat,
qui veulent vivre au monde selon Dieu. Ce livre n'est encores imprimé
que je sçache, nous l' avons par devers nous escrit à la main, & contient
environ d' une main de papier escrit en forme de minute.
[page 124]
Il a escrit plusieurs oeuvres en Latin, desquels je feray mention autre
part, c'estoit l' un des plus doctes & des plus eloquents de son temps,
& pour ce fut envoyé vers le Pape Jules 2. pour les affaires du royaume
de France, devant lequel il harengua publiquement à Bologne la Grasse,
l'an 1505. son corps gist en l'Abbaye de Sainct Vincent pres le Mans.