loader


FRANÇOIS DE BEROALDE

Type : notice

Source : La Croix du Maine

Identifiant BVH : lcdm-not_0527

lcdm-not_0527
noms de personnesbibliographietexte brut
originalrégularisé

[La Croix du Maine, page 91]
FRANÇOIS DE BEROALDE, sieur de Verville, G. Parisien, Poëte
François, Philosophe naturel, & Mathematicien, &c. fils de Matthieu
de Broald ou Beroald historien Latin, &c.

Il a escrit (estant encore fort jeune d'ans) des commentaires ou an-
notations bien doctes sur les Mechaniques de Jaques Besson, impri-
mées à Lyon chez Bertelemy Vincent, l'an 1580. & 1581.

Les Elements Mecaniques non encores imprimez.

La duplication du Cube, imprimee.

[page 92]
Poëme François qu'il intitule l'Idee de la Republique, à l'imitation
(comme il semble) du sçavantThomas Morus Chancelier d'Angleter-
re, lequel a escrit l'Utopie, c'est à dire chose qui ne se voit point encores
observee en aucun lieu, touchant le gouvernement des Republiques.

Le second livre des recherches de la pierre Philosophale, où il fait v-
ne description de la nature des metaux.

Abregez des oeuvres de Hierosme Cardan medecin Milanois tou-
chant la Subtilité & Varieté des choses, non encores imprimez.

Deux dialogues, l'un de la verité, & l'autre de la Vertu, non impri-
mez.

Deux tragedies Françoises non encores imprimees.

Les Apprehensions spirituelles, Poëmes, & autres oeuvres philoso-
phiques avec les recherches de la Pierre Philosophale, &c. imprimees à
Paris chez Timothee Jouan, l'an 1583.

Il florit à Paris ceste annee 1584.