loader


FOELIX LE VOYER

Type : notice

Source : La Croix du Maine

Identifiant BVH : lcdm-not_0511

lcdm-not_0511
noms de personnesbibliographietexte brut
originalrégularisé

[La Croix du Maine, page 84]
B. L. FOELIX LE VOYER, autrement appellé Felix de la Mothe le Voyer &c.
natif du Mans, Advocat en Parlement, frere puisné de M. le secretaire le
Voyer &c. homme docte és langues Grecque & Latine, & bien versé
en la jurisprudence, Medecine, Philosophie, Mathematiques, Poësie,
Histoire, art oratoire & autres. Ce que je dy selon que la verité me le
commande, & non pour la grande amitié que je luy porte.

Il a escrit premierement en Latin un for docte traicté, de l'Ambassa-
de, lequel il a fait imprimer à Paris chez Michel de Roigny l'an 1579. &
depuis il l'a traduit en François, non encores imprimé.

Il a composé plusieurs vers, sur divers subjects, non encores impri-
mez, & entre autres plusieurs tresdoctes Sonnets.

Il a escrit plusieur oraisons Latines & Françoises, non encores mi-
ses en lumiere, desquelles je feray mention autre part.

Dialogue de la Musique, dedié à M. des Roches de Poitiers, non im-
primé.

Il florist à Paris cette annee 1584.